బాల్యం

మధురమైన బాల్యానికి తిరిగివెళ్లిపోతే
ఎంత బాగున్నో !!

అమ్మ వడిలో
ఆద మరిచి 
నిద్ర పోతే
ఎంత బాగున్నో!!

నానమ్మ
చందమామ కథలు
వింటూ....
అమ్మ చేతి కమ్మనైన గోరుముద్దలు తింటూ...
నాన్న దగ్గర
ముద్దు, మురిపాలు
కురుస్తూ ఉంటే
ఎంత బాగున్నో!!

గుజ్జన గూళ్ళు
కట్టుకుంటు
ఇసుకతో తల మీంచి తలంబ్రాలుగా
పోసుకుంటే
ఎంత బాగున్నో!!

తాత బడ్డీలో
బెల్లం కడ్డీలు,
జీళ్ళు తింటూ,
స్కూల్ కి వెళ్తే ,
ఎంత బాగున్నో!!

పండగ నాడు,
పట్టు పరికిణి జాకెట్టు
వేసుకొని,
చేమంతి పూల జడ
కుట్టుకుంటే
ఎంత బాగున్నో!!

అలా అన్ని
మరచిపోయి
అలుపు ఎరుగని
బాల్యంలోనే ఉండిపోతే
ఎంత బాగున్నో
ఇంకెంత బాగున్నో!!🤔

రేణుక సుసర్ల

Sketch By Sadasivuni Madhurasree