మన పల్లెటూరు

ప్రకృతికి సోయగాలకు
పుట్టినిల్లు
అనురాగాలకి,
ఆప్యాయతలకి
పెట్టిన ఊరు
సహాయానికి
మారు పేరు
బంధుత్వం
కలుపుకోడంలో
ముందంజ
వేసిన ఊరు.

సంస్కృతి,
సత్కారాలకు ఆనవాళ్లు
అతిథి,అభ్యమగతులను
ఆదరించడంలో
ఏ మాత్రం
వెనుకంజని
వెయ్యని ఊరు..

పండగలని,
ఉత్సవాలను
అందరూ ఒక్కటై
జరుపుకునే ఊరు
ఏ ఇంటి ఆడపడుచు నైన
తమ ఇంటి మర్యాదగా
చెప్పుకునే వారు
ఒకరి కష్ట, సుఖాల్లో
పిలవకుండా
పాలుపంచుకునే వాళ్ళు.

సుబ్బమత్త, రామయ్య తాత
కాంతం పిన్ని, సూరి బావ
అని నోరార పిలుపు
వినిపించే ఊరు.
పండగ నాడు....
హరి దాసుల కీర్తనలు,
కోడిపందాల జోరు,
పేకాట రాయుళ్ల హోరు,
కనిపించే ఊరు...

అచ్చనైన తెలుగుతనం
అద్దం పట్టే ఊరు
మనమందరం మెచ్చే ఊరు
మన పల్లెటూరు...

రేణుక సుసర్ల

Sketch By Sadasivuni Madhurasree