ఇల్లాలు

మనసులో రేగే
కొత్త పులకింతకలు,
మదిలోన దాగే ,
ఎన్నేన్నో సందేహాలు,
అయిన వాళ్ళని విడిచి ,
ఉన్న ఇంటిపేరు మార్చి,
మనువాడిన వాడి వెంట,
అపారమైన నమ్మకంతో,
నడిచొచ్చిన ఘనత ,
ఆమెదే.....

తన కొత్త ప్రపంచంలో,
తనదైన వాటిని అన్ని వదులుకొని ,
నీతో ఇల్లు అనే ,
ప్రపంచాన్ని నిర్మిస్తుంది.
ఆమె.....

తన ప్రాణనికి సైతం,
లెక్క చేయక ,
నీ బిడ్డకి జన్మ నిచ్చి ,
తన జన్మని సార్ధకం చేసుకుంటుంది ఆమె....
ప్రేమ, త్యాగం,
ఓర్పు, నేర్పు
అన్నింటితో
తన దైన శైలిలో,
ఒక సంతోష కుటుంబాన్ని, నిర్మిస్తుంది ఆమె....

ఆమె
నీకు ఒక స్నేహితురాలు,
ప్రేయసి, ఒక తల్లి,
అన్నిటికి మించి
తన ఇష్ట ఇష్టాలని
తన వారికోసం త్యాగం చేసిన త్యాగశీలి...ఆమె
మన ప్రతి ఇంట
వెలసిన స్త్రీ మూర్తి

ఆమె ఒక ఇల్లాలు🙏

రేణుక సుసర్ల