నే అడిగా..

ఉషా కిరణాల పొద్దులో
కోయిల రాగం వినిపించమని
నే అడిగా..
మల్లె, చేమంతి పూదోటలో
ఝమ్మన్న తుమ్మెద రాగం 
నే అడిగా..
మనసుని దోచే పిల్లనగ్రోవి తో
మురళి నాదం వినిపించమని
నే అడిగా..

వేసవి తాపం చూపే మండు టెండలో
స్వాతి చినుకులని చల్లగా కురవమని
నే అడిగా..
మత్తెక్కించే మల్లెల సువాసన
నే అడిగా..
జాజి, విరాజాజి మాలలు నా కురులలో అలంకారం కమ్మని
నే అడిగా

వెన్నెల రేయిలొ మబ్బుల చాటున చంద్రుడిని
నాతో దోబూచులాడమని
నే అడిగా...
మనసున్న మహారాజుని ఏడేడు జన్మలకి నా మగనిగా ఇమ్మని
నే అడిగా...
వాడే నా మనసుని దోచుకున్న చెలికాడవ్వాలని
నే అడిగా..

ఎప్పుడు చెరగని చిరునవ్వు న పెదవులకు ఇమ్మని
నే అడిగా..
ఎదుటి వారిలో ఎల్లప్పుడూ మంచిని చూసే హృదయం
 నే అడిగా..
మనిషిలో మౌనానికి అర్ధం తెలిపే భాష నాకు తెలపమని
నే అడిగా..

నన్ను నన్నుగా చూసే
మనసుకి నచ్చే స్నేహితులని ఇమ్మని
నే అడిగా..
నేనే అడిగా😊

రేణుక సుసర్ల