ప్రకృతి

ప్రకృతి ఒక అందమైన
అమ్మ వడి..
ఒక చంటి బిడ్డకి
తల్లి ప్రేమలా
ఒక తండ్రి లాలనలా..
నీడనిచ్చే ఇల్లులా
ఎండనుండి కాపాడే
గొడుగుల
వేడి తాపం నుండి కాపాడే
రక్షక కవచంలా...

మేము వాడే వాహనముల
నుండి వెలువడే
కాలుష్య గాలిని
నువ్వు పీల్చి
మాకు మాత్రం
రక్షణ ఇస్తావు...

మాకు రాబోయే
అన్ని విపత్తుల నుండి
నీ వంతు ప్రయత్నం
నువ్వు చేసి
తల్లిలా అక్కున చేర్చుకున్న
ఘనత నీదే
మా పాలిట వన దేవత నువ్వే...

నీకు సన్నిహితురాలు
మాకు దాహార్తిని ఇచ్చే నీరు...
మాకు కావాల్సిన కూరగాయలు,
పంట పొలాలకు ఊపిరి ఆమె...
మా నిత్య జీవితంలో ప్రాణం ఆమె..
ఆమె లేకుంటే మా మానవ జాతికి
జీవం లేదు...
మనుగడ అంత కంటే లేదు...
ఇన్ని ఇచ్చిన మీ ఇద్దరిని
మా స్వార్ధం కోసం విస్మరించి...
చెట్లని నరుకుతున్నాం...
చెరువులని ,
మల్టీప్లెక్స్ పేరులతో..
పూడుస్తున్నాం...
మా జీవితాలని
మా చేతులతోనేే చిన్నా భిన్నం చేసుకుంటున్నాం....

ఒక్క మారు
పాత రోజులలోకి వెళ్లిపోని
మనసులో
స్వార్ధ చింతన మానుకోని
నీ వడిలో
నన్ను వదిగిపోని

ఓ ప్రకృతి తల్లి🙏

రేణుక సుసర్ల