సాంప్రదాయాలు సరదాలు

ఏమండీ అత్తగారి ట్రైన్ ఎన్ని గంటలకి అడిగింది పద్మం...
ఆవిడ పూర్తిపేరు పద్మ లక్ష్మీ లెండి..
ఇంకా అమ్మ రాడానికి రెండు ఘంటల టైం ఉంది నువ్వు కంగారు పడి నన్ను కంగారు పెట్టకు అన్నాడు సుబ్బా రావు...

మీ అమ్మగారికి అన్ని పద్దతిగా అనుకున్న టైం కి జరగక పోతే ఇల్లు అల్ల కల్లోలం చేసేస్తారు...
మొహం చిట్లించింది పద్మం..

మా అమ్మని అనడానికి ఒక్క నిమిషం టైం వేస్ట్ చెయ్యవుకదా అన్నట్టు గుర్రుగా చూసేడు భార్య వైపు సుబ్బారావు....

రాత్రి కి మా అక్క వాళ్ళు వస్తున్నారు ఎవరిననైన పంపుతార లేక మీరే వెళ్తారా ట్రైన్ నుండి తీసుకురాడనికి..
పాపం అది పెళ్లికి సాయం చేద్దామని వస్తోంది ముఖం చేటంత చేసుకొని చెప్పింది పద్మం....

అలాగె లే రాత్రి కదా ఆలోచిద్దాం
మొదట అమ్మని తేని.. అని హడావిడిగా స్టేషన్ కి బయలుదేరాడు.. సుబ్బారావు.

పది రోజుల్లో పద్మం, సుబ్బారావు ల ఏకైక కూతురు వాగ్దేవి పెళ్లి జరగబోతోంది...అది హడావిడి.

సుబ్బారావు తల్లి పాతకాలపు మనిషి అయిన కొడుకు, కోడలు మనవరాలు అంటే ప్రాణం..
కాకపోతే ఆవిడకి సాంప్రదాయాలు, పద్ధతులు పాటించకపోతే ఒప్పుకోదు..
అందుకే కోడలు అత్తగారి చాదస్థానికి విసుకున్న..
ఆవిడంటే మహా గౌరవం కూడా....
పద్మం ఆలోచనల నుండి తేరుకోకముందే సుబ్బారావు తల్లి రమణమ్మ ,కొడుకుతో పాటు లోపలికి రావడం పెళ్లి సందడి ఒక ఊపు అందుకుంది పెద్దావిడ రాకతో..

పద్మం అత్తగారి సేవలో ములిగిపోయింది అప్పుడే పెళ్లి బట్టలు కుట్టే tailor నుండి వచ్చిన వాగ్దేవి బామ్మని చూసి అమాంతం వాటేసుకుని కళ్ళంబడ నీళ్లు తెచ్చేసుకుంది...

పోవే బామ్మ ఇప్పుడా రావడం అని బుంగ మూతిపెట్టి అలగడం చూసి పాపం ఆ ముసలావిడ ఆనందానికి హద్దులేకుండా పోయింది.
దగ్గరుండి నాయనమ్మకి తన నగలు, బట్టలు చూపించి వాగ్దేవి మురిసిపోయింది..వీళ్ళ ప్రేమ చూసి సుబ్బారావు కళ్లల్లో కూడా నీళ్లు తిరిగాయి..

ఇంతలో కొరియోగ్రాఫర్ సత్యం ఫోన్ చెయ్యడంతో నాయనమ్మకి చెప్పి కొంచం దూరంగా వాగ్దేవి ఫోన్ లో మాట్లాడి వచ్చాక ..
రమణమ్మ గారు అడిగింది ఏంటి బంగారం ( వాగ్దేవి ముద్దు పేరు ) ఎవరిది ఫోన్.?.
కాదే బామ్మ నా పెళ్లికి మహంది, హలది ఫంక్షన్ నాడు డాన్స్ నేను నా ఫ్రెండ్స్ చేస్తాం కదా అది నేర్పడానికి డాన్స్ మాస్టర్ గారితో ఫోన్లో appointment..

ఈ హలది, మహంది ఫంక్షన్ ఏమిట్రా మధ్యలో...ఇదిగో అమ్మాయి పద్మం ఇదేమి మాట్లాడుతోంది కాసింత గద్దించి అడిగింది రమణమ్మ కోడల్ని..
direct గా మనవరాలిని అడగలేక...
పద్మం నీళ్లు నములుతూ అది కాదు అత్తయ్య ఈ మధ్య అందరూ ఇలాగే చేస్తున్నారు అందుకే వాగ్దేవి కూడా సరదా పడితే నేను, మీ అబ్బాయి కాదనలేకపోయాము అని ఆ తప్పు తమది కాదనట్టు సంజాయిషీ ఇచ్చుకుంది..
ఎందుకంటే ఈ హలది, మహంది
ఫంక్షన్ డౌబ్ట్ అత్తగారి విషయంలో పద్మం కి ఎప్పుడో వచ్చింది..

అది చిన్న పిల్ల దానికి అంటే మన పద్ధతులు, సంప్రదాయాలు తెలీవు మీ ఇద్దరికి ఏమయ్యింది? నేను అలా నాలుగు రోజులు ఊరు వెళ్ళానో లేదో.. అంత మీ ఇష్టమేన? ఒక పెద్ద దాన్ని ఏడ్చి సచ్చానుగా నన్ను అడిగి చావాలిగా...
ఇంకా నయం సమయానికి వచ్చాను ఎదో నేరం ఘోరం జరిగిపోను అన్నట్టుగా రమణమ్మ గారు తిట్లు లంకించుకున్నారు కొడుకు, కోడల్ని..
పాపం పద్మం కిక్కురుమనకుండా సుబ్బారావు నే చూస్తూ ఉండిపోయింది..మీరే ఏదో సద్దిచెప్పాలి అన్నట్టుగా..పద్మంకి తెలుసు రమణమ్మ గారి పట్టుదల..
సుబ్బారావు ఎదో అనబోయాడు అమ్మ ఇదంతా ఇప్పుడు మాములేనే...అని అంతే
రమణమ్మ కోపం తారాస్థాయికి చేరుకుంది...

ఏంట్రా మాములు... పెళ్లికూతుర్ని చేసిన రోజు ఇంట్లో పెద్ద వాళ్ల చేత పెళ్లి కూతురికి పసుపు రాయించడం మన సంప్రదాయం..
ఆ రోజే గోరింటాకు పెట్టడం అంతే కానీ పసుపు రాసిన రోజు, గోరింటకు పెట్టుకున్న రోజు గెంతడాలు మన పద్ధతి కాదు సంప్రదాయం అంత కంటే కాదు...
చూడు అబ్బాయి నేను ఎవరి సంప్రదయాల్ని గౌరవించద్దు అనటం లేదు..
మనం భారతీయులుగా పక్క వాళ్ల పద్దతుల్ని, సంప్రదాయాల్ని గౌరవించాలి అంతే కానీ ఆచరించక్కరలేదు...

పోని ఒకటి అడుగుతా చెప్పండి అప్పటికే బామ్మ నోటికి చుట్టాలందరు పోగయ్యారు...అందుకే అందర్నీ ఉద్దేశించి అడిగేరు రమణమ్మ గారు..
మన పద్ధతులని, సంప్రదయాల్ని ఎవరేనా పాటిస్తున్నార? మనలా పెళ్లికి నెల్లాళ్ల ముందు గోధుమ రాయి పెడ్తున్నార, లేక పెళ్లిలో తోట సంబరం కానీ, కాశీ యాత్ర కానీ చేస్తున్నారా?
పాయింటే బామ్మ ఎవడో గడుగ్గాయి అరిచి చప్పట్లు కొట్టాడు..
వెధవ తెగుళ్లు మన పద్దతుల్ని మంట కలిపి పక్క వాళ్ళవి నెత్తి కెక్కించుకోడం మన తెలుగు వాళ్ళకి అలవాటే..మొత్తం తెలుగు వాళ్ల మీద మండి పడింది బామ్మ..

ఎవరు ఎలా ఛస్తే చావని నా మనవరాలి పెళ్లి మాత్రం అచ్చమైన మన తెలుగు సంప్రదాయంలోనే జరగాలి అని ఆర్డర్ వేసింది బామ్మ...
వాగ్దేవికి కూడా బామ్మ లాజిక్ నచ్చి ఫోన్ తీసుకుంది కొరియోగ్రఫీర్ తో appointment cancel చెయ్యడానికి...

ఎవరి పద్దతుల్ని కించపరచాలని కాదు కానీ మనవి గాలికి వదిలేసి సరదా పేరిట పక్క వాళ్ల ఆచారాలని ప్రమోట్ చెయ్యడం ఎంతవరకు న్యాయం..
ఆలోచించాల్సిన విషయమే🤔