నేను ఎవరిని?

నేను ఎవరిని?
సహనం,ఓర్పు
అలంకారంగా తొడుకున్న
శాంతి దూతన
లేక,
అభిమానం, అనురాగం దుప్పటిగా కప్పుకున్న ఆత్మీయురాలిన
లేక,
అణువణువున
ఉరకలేసిన ఆవేశంతో ఉర్రుతలూగిన
నారిమణినా..?
నేను ఎవరిని..?

అక్కున చేర్చుకుని
కమ్మనైన అమ్మతనం
చూపించే మాతృమూర్తినా
లేక,
అడుగడుగు నా స్నేహ
హస్తం అందించే
స్నేహితురాలిన
లేక,
మనువాడిన వాడి
మనసున కొలువై ఉన్న
మగువకు ప్రేరణనా..?
నేను ఎవరిని..?

అందరూ నా హితులు, సన్నిహితులు అనుకొని
నమ్మే మూగ జీవినా
లేక,
ఎన్ని మార్లు మోసపోయిన
తిరిగి నమ్మే
ఆశవాదిన
లేక ,
మంచితనాన్నే నమ్మే
సిద్ధాంత వాదినా..?

ఎవరిని నేను ఎవరిని...?

ఎవరినైనా ఏమైనా...
ఈ పయనం ఆగనిది...
ఈ ఆరాటం మారనిది...

గమ్యం ఎటో తెలియని...
జీవితపు రహదారిలో ...
అలుపు ఎరగకుండా ...

నిర్మలమైన మనస్సుతో...
చిరు దరహాసంతో...
స్నేహ భావంతో...
ముందుగు సాగిపోతూనే
ఉన్న నేను ***

అందరికి
ఆత్మబంధువిని....😊

రేణుక సుసర్ల