కాగితం

అందరికి
నేస్తాన్ని నేను...
ముత్యమంత
మనసున్న దాన్ని....
నా ముందు అందరూ.....
మనసుతో మాట్లాడతారు.
మనసుని ,
నామీద అక్షర రూపంలో, పెడతారు...

మనిషికి
పుట్టిన దగ్గర నుండి,
కట్ట కాలే దాకా,
నేనే సాక్షిని...
ముక్కోటి దేవతల,
సాక్షిగా జరిగిన ,
పెళ్లి కి కూడా ,
నేనే మొదటి సాక్షిని.....
నేను లేనిదే,
మనిషికి విలువేలేదు.....
మనిషి ఒదిగేది ,
నా ఎదుటే....
ఎదిగేది నా ఎదుటే....

పయనించేది నా తోటే....
జీవించేది నా తోటే...
గమ్యము నేనే
ఆలోచన నేనే...
ఐశ్వర్యము నేనే..
పరువు ,
ప్రతిష్ట..నేనే.....

పట్ట భద్రుడిగ గుర్తింపు
తెచ్చింది నేనే...
పామరుడిగా
తెలియ పరిచేది నేనే.....

ఇందరికి ఇన్నిటికి
మూలమైన
నన్ను మాత్రం
చులకన గానే ....
చూస్తాడు మనిషి.....
తూన లాడతాడు మనిషి....

నేనే ....కాగితాన్ని😉
మీ అందరి జీవితాల్లో
నలిగి కృశించిన కాగితాన్ని🙄

రేణుక సుసర్ల