బాల్యం పులకింతలు

మరపు రావు మరల రావు 
నా చిన్న నాటి రోజులు...

మా నాయనమ్మ తినిపించిన గోరుముద్దలు,
గుర్రాల మీద రాజుల కధలు..
మా నాన్నగారి పొలికేకలు, మా అమ్మ నన్ను అలక తీర్చే సన్నివేశాలు.
ఎదురింటి మావుసి రసగుల్లాలు, భజన ప్రసాదాలు అన్ని మధురానుభూతులు

శైలజ ఇంట్లో మందార పూల అందాలు
పద్దు పెరడు సంపెంగ పూల సువాసనలు, 
రమా వాకిట నీలం డిసెంబర్ పూల మధురిమలు.
రుక్మిణి ముంగిట కనకాంబరాల కోసం పడ్డ పాట్లు అన్ని ఇన్ని కావు.

భగ్గు ఇంట కాకి ఎంగిలి జామకాయ ముక్కల రుచులు,
వాసు ఇంట పనస పండు తొనల  ఘుమఘుమలు,
వసంత దొడ్లో సపోటా పళ్ళ కొరుకుళ్ళు అన్ని హాయి గొలిపే ఊసులు.

మరపు రావు మరల రావు నా చిన్న నాటి రోజులు.

లీల బాయిగారి ఇంజెనెక్షన్ల బెదిరింపులు
YRK రావు uncle టీకాల తడాకాలు
వాణి సామంత స్కతస్కోప్ వింతలు,

కొలచినత్త కసుర్లు,
భాస్కర మాస్టారి సొంటిపిక్కలు, పక్క ముసలి ఆయి పొలిబొబ్బలు అన్ని తీయని తలపులు.

వాసు పైన నా అజమాయిషీ
ప్రమి మీద పెత్తనం
బాచి గాడి మీద నా విసుర్లు అన్ని గుర్తే.

గిరిజ తో ఆడిన బొమ్మల పెళ్లిళ్లు
ప్రమి, ప్రసన్నలతో లక్కపిడత లాట 
బుజ్జి, కుమార్,లక్ష్మీ,శైలు, ఉషాలతో 
ఆడిన బాస్కెట్ బాల్, డీఫ్ ఆటలు అన్ని సుపరిచితమే.

పవన, నేనులెక్కలతో  పడ్డ కుస్తీలు
పరీక్షల ముందు పాఠాల పల్లవితో గావుకేకలు
కంబైన్డ్ స్టడీ పేరిట సొల్లు కబుర్లు
డౌబ్ట్ కోసం అని వెళ్లిన వాళ్ల ఇంట్లో settle ఐపోడాలు.. అన్ని చెప్పలేనన్ని జ్ఞ్యాపకాలు.

మరపు రావు మరల రావు న చిన్న నాటి రోజులు

భగ్గు ఇంట్లో గోడ దూకడాలు
పక్క ఆయి ఇంటి పైన ఎండబెట్టిన జంకోళి వడియాల దొంగతనాలు
రాథో గారి బంతి, చేమంతి పూలు చెప్పకుండా కోసుకెళ్లడం అన్ని మరపురాని ముచ్చట్లు.

పేరి రవి తో పేచీలు
ఏ. రవి చిలిపి పనులు
సుబ్బు బేల చూపులు
బాచి నంగిరి చూపులు అన్ని 
కళ్ళకు కట్టి నట్టు ఇంకా నా మనసున నాటుకు పోయాయి అంటే నమ్మండి.

ఎనెన్నో ఇంకెన్నో జ్ఞ్యాపకాలు ముడివేసుకు పోయాయి మనసున పెనవేసుకు పోయాయి
చెపుతూ ఉంటే మనసుకు అలుపే ఉండదు
ఈ నా చిన్ని గుండెకు ఆశ తీరదు..
అందరికి, అన్నిటికి ప్రియమైన మీదైన మీ చిన్న నాటి నేస్తం

రేణుక సుసర్ల