నిట్టుర్పు

యాంత్రిక జీవితంలో,
బంధాల ఉచ్చులో కొట్టు మిట్టాడుతున్న నా జీవితపు నౌకలో చుక్కానివై నిలిచావు.
మనిద్దరం
జీవితంలో ఎదురుపడని వేగుచుక్కలమని తెలిసికూడా
ఆపలేను నీ తలపుల కెరటాలని
తప్పో, ఒప్పో, తెగింపో చెప్పలేని పరిస్థితి.
కానీ నీ ఆలోచనలతో నా మనసు ఒకొక్కమారు విషాద వలయంలో చిక్కుకున్న, ఇంకొకమారు మనసుకి ఊరట కలిగిస్తుంది.
ఇది విరహమా, విషాదమా లేక ఆవేదనో ఏమి తెలియని అయోమయ పరిస్థితి...
నా ప్రేమే నిజమైతే జీవితం మరొక్కమారు అవకాశం ఇస్తే
నా ఊసులు, ఊహలు నీకు తెలపాలని..నా చిన్న కోరిక..
వేచి చూద్దాం..అంత వరకు ఈ విరహాన్ని ఆస్వాదిద్దాం.

రేణుక సుసర్ల.