కవిత్వం

స్వప్నం లోంచి పుట్టిన కవిత్వం
మనసులను వూహింప చేస్తుంది !
జీవితం నేర్పిన కవిత్వం
అలసిన మనసులను వూరడిస్తుంది !

మనలో ఏర్పడే
ప్రతి స్పందన
గుండెలోతుల్లోంచి..
మనసుకి వినిపించినపుడు
ఒక భావోద్వేగం
పుడుతుంది...
ఆ భావోద్వేగం
అక్షర రూపం దాలుస్తే
మహా కావ్యం అవుతుంది...
కేవలం
స్పందించే హృదయం
మన భావాన్ని
వ్యక్తపరిచే
ఉత్సాహం ఉంటే చాలు
ప్రతి మనసుని కదిలించే
ఒక మహా సంగ్రామం
అవుతుంది

మౌనం కూడా భాష
కురిపిస్తుంది
మూగబోయిన
మనసు కూడా
మాటలు చెపుతుంది...

కాలం సహకరించాలి..
వ్యక్తపరచడానికి
సరి అయిన
సమయం రావాలి
అంతే..

రేణుక సుసర్ల