మనసు మనవి

ముక్కు పచ్చరాలని
అపరంజి బొమ్మ ..
జరుగుతున్నది ఎందుకో
ఏంటో తెలియని వయస్సు...
రోజు ఆడే ఆటల్లో, పాటల్లో ఇది ఒక ఆటే అనుకొనే మనస్సు...
కానీ పెద్దల మూర్ఖత్వం, ఆచారాల పేరుతో తనతో ఆడుతున్న బతుకు బూడిద
అనే ఆట అని
అర్ధం కాని అయోమయ పరిస్థితి..
అయినా కంటికి రెప్పలా కాపాడే అమ్మ, నాన్న ఉండగా నాకెందుకీ చింత...
అనుకుంది పాపం చిట్టి తల్లి...
తన భవిషత్తునే కాలంధకారంలో
నెట్టే వాళ్ల తొలి ప్రయత్నం అని తెలుసుకునే వయసు కాదు..
మనసు లేదు...
తన బాల్యాన్ని త్రుంచే సమయం ఆసన్న మైందని తెలీదు ఆ పసిదానికి...

ఏ మనసున్న మనిషి అయినా అంగీకరించని తరుణం..
మనసున్న ప్రతి ఒక్కరు స్పందించి ఇలాంటివి పునరావృతం కాకుండా చూడాలి అని నా చిన్ని మనవి...

రేణుక సుసర్ల