మనిషి...మనస్సు

నీ

మనసింతే..
ఎదురుగా ఏది చెప్పలేదు
తన్ని తాను
నొప్పించుకుంటుంది కానీ..
ఎదుటి మనసును
గాయపరచలేదు..
ఎన్ని మార్లు
నా మనస్సు మీద
అలిగానో, కసురుకున్నానో
నువ్వు ఇక మారవ?
అడిగింది
నాలో మనిషి..
నీ కోసం నువ్వు
ఎప్పుడు ఆలోచిస్తావు..
ప్రతి మారు
ఇంతేనా?
మధన పడినప్పుడల్లా..
నన్ను పిలుస్తావు..

చూడు రేపటి నుండి
నాకు నచ్చినట్టే ఉంటా..
గట్టిగా ప్రతిజ్ఞ చేసుకుంది..
మనస్సు..
మళ్ళా ఒక పక్క
అనుమానం
ఇది స్వార్ధం కాదా..
అని నన్ను అడిగింది..

ఇలా సమాధానం లేని
ప్రశ్నల మధ్య
ఎన్ని మార్లు
పురిటినొప్పులు
అనుభవించిందో..
రోజుకో పోరాటం
మనిషికి,
మనసుకి మధ్య..
ఏది ఏమైనా
చివరికి గెలిచేది
నువ్వేగా అని నాలో
మనిషి నిట్టూర్చింది...

రేణుక సుసర్ల