ఎంత మధురం..

అమ్మ పొత్తిళ్ళలో
పాలుతాగే పసిపాప
ఎంత మధురం..

సెలయేరు ముంగిట 
సేదదీరే పచ్చని పైర్లు
ఎంత మధురం..

కైలాసం తలపించే
హిమగిరి సొగసులు
ఎంత మధురం..

పిల్లని గ్రోవి ఊదే
చిన్ని కృష్ణుని మురళీ గానం
ఎంత మధురం..

సూర్యోదయాన ఆలపించే
భూపాల రాగం
ఎంత మధురం..

వెన్నెల పొద్దులో సువాసన విదజల్లే
జాజి, విరాజాజి
పరిమళాల గాలులు
ఎంత మధురం...

ఆత్మీయులతో నిండిన ఇల్లు
అనురాగాలకు పుట్టినిల్లు
నా ఇల్లు అన్నిటికంటే
మధురాతి మధురం..

రేణుక సుసర్ల

శుభోదయం