నీ రూపం

నీ రూపం నా మనసులోంచి చెరుపుదామనుకుంటే
నువ్వు ప్రేమగా చూసే కళ్ళు
వద్దని చెపుతాయి...
నీ పేరు నా పెదవులపై పరవద్దు అనుకుంటా కానీ నీ మవునం
మృదువుగా వారిస్తుంది..
అసలు నీ తలపులే వద్దులే అనుకుంటా ..
కానీ ప్రతి క్షణం నీ కోసం జీవించే నేను
 "నువ్వు" అనే నా జీవితాన్ని ఎలా మర్చిపోగలను?..

అసలు నువ్వు నన్ను ఎన్ని మార్లు మరచిపొమ్మని చెప్పిన
నా మనసుకి పౌరుషమే లేదా?
ఏంటో పిచ్చి మనసుకి ఇంకా తీరని ఆశ...
ఏనాడైనా నా ప్రేమ నిన్ను నా దరికి చేరుస్తుందని...
మనిద్దరని ఏకం చేస్తుందని..
నీ రాక కోసం చూసి చూసి
నా కళ్ళల్లో కన్నీళ్ళకి కూడా
చోటు లేదు పొమ్మన్నాన్నే..

నీ ఆలోచనల సముద్రంలో
నిత్యం నీ ఆటు, పోట్ల
అలజడిలో ... నీ కోసం..
కొట్టుమిట్టాడుతున్న
నీ చెలి..

రేణుక సుసర్ల