ఎదురుచూపు

కళ్ళల్లో చెరిగి చెరగని
కాటుక రేఖలా
ఆశ, నిరాశల మధ్య..
నీ రాక కోసం నిరీక్షణ..

నువ్వు లేని ప్రతి క్షణం
నీతో గడిపిన క్షణాలు
గుర్తుచేసుకుంటూ...
మవునంగా హృదయం
రోదిస్తూ ఉంటే..

అస్తమిస్తున్న సూరీడు
మరల తిరిగి వస్తా
అని
అభయమిస్తున్నట్టు
ఎక్కడో
మనసుకి ఊరట..
కానీ
నీ రాక ఎడారిలో
ఎండమావులు అని తెలిసి
భారంగా నిట్టూరుస్తు
ఉంటే
వెన్నెల వెటకారంగా నవ్వింది..
వీచే గాలి వింతగా విస్తుపోయింది...
నువ్వు తనకిచ్చింది ప్రేమ అయితే నీకు మిగిలింది
ఆవేదనే కదా అని ...
కాలం వెక్కిరించింది...

రేణుక సుసర్ల