స్వప్నం

వలపు గాలి తిమ్మెరలు
కొంటెగా వీస్తూ ఉంటే,
ఏమిటో ఆ హాయి..
మనసు ముంగిట
ప్రేమ ముగ్గులు 
అందాలు హద్దుతూ ఉంటే,
ఏమీటో ఆ ఉబలాటం...
పండు వెన్నెల అందాలు
చూసి శరదృతువు
ముందే వచ్చిందేమో అని
పిచ్చి మనసుకి ఆరాటం..

మబ్బుల చాటున దోబూచులాడుతున్న చందమామ నాతో
నా ప్రియుని సందేశం
పంపినట్టు మనసు పరిపరి విధాలా తొందర జేస్తోంది...

ఆలోచనల జలపాతం
నుండి
అలా జారానో లేదో..
కళ్ల ఎదుట
మనసుపడిన మగడు గమ్మత్తుగా
మల్లెపూల మాల నా జడన తురుముతూ...
కళ్లల్లో కొంటెగా చూస్తూ ఉంటే...
ఆగిపోయిన నా గుండె
ప్రేమ సవ్వడితో పులకించిపోయింది...

పరవశంతో
కళ్ళు తెరిచానో లేదో
మంచు చినుకులాంటి స్వప్నం..
ఉషా కిరణాల పొద్దులో కరిగిపోయింది...

రేణుక సుసర్ల